Donostiako Lau Haizetara Dokumentalen Koprodukzio Foroak bere hogeigarren edizioko proiektuen hautaketa iragarri du. 2024ko irailaren 23, 24 eta 25ean egingo da, Donostiako 72. Zinemaldiaren esparruan.
Guztira 100 izen-emateren artean aukeratuak, arrakasta berri bat bermatzen da. Hautatutako proiektuen kalitatea eta potentziala nabarmendu nahi izan du batzordeak; horietatik bat euskalduna da, eta gainerako hamalauak Alemaniatik, Kosovotik, Danimarkatik, Perutik, Serbiatik, Italiatik, Frantziatik, Argentinatik eta Espainiatik datoz. Horiek guztiak autore-dokumentalak dira, gizarte-gaiak jorratzen dituztenak eta nazioartean ikusgarri direnak, beti izan dira gure Foroaren sinadura:
Pitching saioen egunean, Comissioning Editors-en eta aurkeztutako proiektuen ordezkarien arteko one to one hitzorduen agenda pertsonalizatu bat landuko du antolakuntzak, lankidetza-akordio posibleak zehazteko helburuarekin
Titulu horiek guztiak 5.000 euroan balioetsitako IBAIA – ELKARGI Saria irabazteko hautagaiak izango dira. Pitching jardunaldian aurkeztutako proiektu onenarentzat izango da saria, eta adituen taldeko kideek osatuko dute sariaren epaimahaia.
