Category: IBAIA

Gidoi Inguruaren VI. edizioa, 2017ko ekainaren 27an ospatuko da Donostian, Zuatzuko PIA eraikineko Auditoriumean

Ikus-entzunezkoen arloan sorrera, garapen eta produkziorako laguntza publikoek, diru-laguntzak jaso dituzten proiektuak film luze bilakatzea eta jendaurrean erakustera iristea dute oinarrizko eta azken helburu. Hala ere, gidoien idazketara zuzenduriko diru-laguntzei dagokionez batez ere, beti antzeman da zailtasun handia, diruz lagundutako proiektuak prozesuaren gainontzeko faseetara iristeko, garapenekora, ekoizpenekora eta difusiora, eta, azken finean, laguntza jasotzearen helburua betetzekoa. (gehiago…)

XIII. Lau Haizetara Dokumentalen Koprodukzio Fororako deialdia zabalik dago

Dokumentalak gogoko badituzu, proiekturen bat garatze-fasean baduzu eta finantzaketa edo bazkideen bila bazabiltza, hau da hori ezagutzera emateko toki aproposa. Dokumentalen alorrean diharduten sektoreko profesionalentzako topagune bat. Foroa 2017ko irailaren 26tik 28ra bitarte egingo da, Donostiako Zinemaldiaren esparruan, eta hiru ataletan garatuko da, proiektuaren kalitatea, aurkezpena eta finantzaketa optimizatzeko helburuarekin: Pitching Tailerrak: hautatuak izan diren produktoreek, bi tutoreren laguntzarekin, pitchingaren aurreko bi egunetan buru-belarri lan egingo dute beren proiektuen aurkezpena hobetzeko. Pitching Jardunaldia: nazioarteko Commissioning Editoreen multzo azpimarragarri baten eta sektoreko hainbat profesional…

Dokumental proiektuak garatzeko Euskal Ikusentzunezko enpresentzat aholkularitza

Apirilaren 6 eta 7an Etxepare Institutuaren Tabakalerako egoitzan ospatuko diren jardunaldi hauetarako, gehienez 8 proiektu aukeratuko dira. Etxepare Euskal Institutuak eta IBAIAk sinatu duten lankidetza hitzarmenak, helburu gisa duena kalitatezko dokumental proiektuen garapena sustatzea eta hauentzako bazkide eta finantziazioa bilatzen laguntzea, 8 ekoiztetxeri aholkularitza jardunaldi honetan parte hartzeko aukera emango die. (gehiago…)

Euskal zinemagintzak jasotako laguntza kopurua baino gehiagoko itzulera sortzen du

Euskal zinemagintzaren egoeraren argazkia jasotzen duen txostena aurkeztu du, gaur goizean, IBAIAk. Ikertaldek egindako azterketa euskal ekoizpen zinematografikoak Euskadin duen eragin sozioekonomikoaren erakusleiho da. Jose Portelak, IBAIAko lehendakariak, Iganacio Rotaechek, IBAIAko kudeatzaileak eta Iñigo Artechek, Ikertaldeko proiektu zuzendariak, parte hartu dute aurkezpenean. (gehiago…)

Lau Haizetara Dokumentalen Koprodukzio Foroak arrakastaz egin du bere hamabigarren edizioa

Atzo, 2016ko irailaren 22an, ostegunarekin, Donostiako Zinemaldiaren 64. edizioan egin zen Lau Haizetara Dokumentalen XII. Koprodukzio Foroak harrera ona izan zuen jendearen aldetik. 12 proiektu europar aurkeztu ziren, eta hainbat gai bildu zituzten, hala nola immigrazioa, sexua, gerra-istorioak, kultura edo bizitzan mugak gainditzea eta sakrifikatzea. Proiektu horietako bat, Giros-ek (Brasil) produzitutako “Probation” proiektua, FIPAtik dator, hots, Biarritzeko Ikus-entzunezko Programen Nazioarteko Festibaletik, eta IBAIAk eta Donostiako Zinemaldiak elkarte horrekin duten akordioaren fruitu da. 2007an hasi zen lankidetza hori, harreman-esparru berri hori sendotzeko oinarriak ezarri zituen lehen hitzarmenaren sinadurarekin.

Zinemirak inoiz baino euskal produkzio gehiago aurkeztuko ditu

Euskal zinemari eskainitako saila da eta Donostia Zinemaldiak, Eusko Jaurlaritzako Kultura Sailak eta Euskadiko Filmategiak antolatzen dute, Irizar eta EITBk babestuta eta EPEren eta IBAIAren lankidetzarekin. Aurten, euskadin ekoitzitako hamazazpi film hartuko ditu barne; horietatik zortzi Euskal Zinemaren Irizar saria lortzeko lehiatuko dira. Era berean, Ramón Barea aktore eta zuzendariak jasoko du aurtengo Zinemira Saria. Donostia Zinemaldiak eta EPE/APV eta IBAIA ekoizle-elkarteek ematen dute, euskal zinemagintzaren pertsona ospetsu baten lan-ibilbidea aitortzeko. Euskal Zinemaren Galan emango da Zinemira Saria irailean, Victoria Eugenia antzokian.

Proiektu dokumentalen aholkularitza, “Lau Haizetara” Koprodukzio Foroaren esparruan

IBAIA Ikus-entzunezkoen Euskal Ekoizle Burujabeen Elkartearen eta Europa Creativa Desk MEDIA Euskadiren arteko lankidetzaren ondorioz, 4 proiektu dokumental hautatuko dira Ove Rishoj Jensen aholkulari danimarkarraren eskutik beren proiektuen aholkularitza indibidualizatua lortzeko. Zinemaldiaren esparruan irailaren 20an, 21ean eta 22an Donostian egingo diren “Lau Haizetara” Koprodukzio Foroaren, prestakuntza-tailerren eta dokumentalen banaketa-estrategiei buruzko Mintegiaren zerbitzu osagarri gisa, hala nahi duten enpresek, Foroan parte hartu nahiz ez, proiektu dokumental bat garatzen ari badira, proiektua aurkeztu ahal izango dute hautatua izan dadin. Aholkularitza Ove Rishoj Jensen (European Documentary Network) profesional eta aholkulari ospetsuak emango du irailaren 23ko goizean, proiektu bakoitzari…

Harrera ona izan du IBAIA / Ikus-Entzunezkoen Euskal Ekoizle burujabeen elkateak eta Euskal Herriko gidoigileen elkarteak antolatutako Gidoi Ingurua foroaren V.edizioak

Atzo goizean ospatu zen eta bertan, aukeratutako 8 gidoilarik beraien proiektuak aurkeztu zituzten, proiektuak ekoizteko interesa izan zezaketen guztien aurrean. Zer diozu? – Lutxo Egia Del Rio Resilience Bar – Miguel Gómez-Tejedor Haitzetatik haratago – Uxue Arzelus Control Z – Iban del Campo Odol taupadak – Ignacio Gaztaka El último de los vascos – Juan Ibarrondo Ez gara hemengoak – Ander Iriarte Un viaje en el tiempo – Ana Serna Ondoren, mahai-inguru bat burutu zen “Diruz-lagundutako gidoia: Idazketatik ekoizpenera” izenburupean, non Luis Marias eta Paul Urkijo gidoilariek parte hartu zuten, IBAIA eta Gidoilarien elkarteko presidenteekin batera, Joxe…