2019ko irailaren 24tik 26ra bitarte Donostiako Lau Haizetara Dokumentalen Koprodukzio Foroaren XV. edizioa izango da, eta horri buruzko xehetasun gehiago eman digute aditzera.
Genero dokumentalari lotutako industria zinematografikoko gero eta profesional gehiago hartzen ditu urtero foroak, guztiak ere adituen eskutik arlo horretako joerak ezagutzeko prest eta, horrela, proiektu berriak garatu eta indartzeko mesedegarri diren tresnak lortuz.
Horretarako, Foroaren antolatzaileek Commissioning Editoreen panel indartsu bat itxi dute, telebistek, salmenta-agenteek, eta estatuko eta nazioarteko lehen mailako banatzaileek osatua. Guztiak ere hautatutako zuzendari eta ekoizleekin bilduko dira, haien dokumentalak nabarmentzeko bereziki zer elementu jorratu behar dituzten jakinarazteko:
AL JAZEERA
Mohammed Belhaj
EP of In House Production-Production Department
EITB
Aintzane Pérez del Palomar
Co-prod. Commissioning Editor
SUNDANCE INSTITUTE
Bruni Burres
Senior Consultant
TV3
Jordi Ambrós
Commissioning Editor
CANAL ENCUENTRO – CPSE
Karina Reismann
General Coordination
ARTE FRANCE
Ali Delici
Deputy Director-Arts Department
Movistar+
Cristina Merino
Reponsible not fiction Selection
TG4
Proinsias Ní Ghrainne
Commissioning Editor
TVE
Andrés Luque Pérez
Executive Producer
CAT&Docs
Maëlle Julie Guenegues
Festival & Acquisition Manager
RTBF
Isabelle Christiaens
Commissioning Editor
TREELINE DISTRIBUTION
Elena Mera Dios
International Business
YLE
Erkko Lyytinen
Commissioning Editor
Irailaren 26an Kursaal Jauregian izango den pitching jardunaldian 10 minutuko tartea izango dute proiektuaren zuzendariak eta ekoizleak beren proiektuaren potentzialtasun guztiak aurkezteko eta teaserra erakusteko, paneleko kideen eta bertaratutako publikoaren aurrean. Arratsaldean, Comissioning Editoreen eta aurkeztutako proiektuen ordezkarien arteko gutxi gorabehera 15 minutuko bilera indibidualizatuen agenda bat beteko da, betiere sor daitezkeen lankidetza-akordioak zehazteko helburuarekin.
Programa osatzeko, Europa Creativa Desk MEDIA Euskadik Holandako Desk MEDIArekin elkarlanean antolatutako “Viva European Docs! Deepening ties with Latin America” jardunaldia egingo da, IBAIA Ikus-entzunezkoen Euskal Ekoizle Burujabeen Elkarteak koordinatutako Donostiako Lau Haizetara Dokumentalen Koprodukzio Foroaren testuinguruan. Urriaren 26an izango da, osteguna, Kursaal Zentroko 8. eta 9. aretoetan.
Europaren eta Latinoamerikaren dokumentalen arteko koprodukzioari helduko diote bilkura horretan. Constanza Arena Cinema Chile Institutuko zuzendariak gidatuko du mahai-ingurua. Gainera, Isabel Arrate IDFAko “Bertha Fund” funtsaren arduradunak, Katja Draaijer Holandako dokumental-ekoizleen elkarteko presidenteak eta Itziar García Zubiri Arena Comunicación ekoiztetxeko (Nafarroa) ekoizle buruak parte hartuko dute. Jardunaldian zehar, Kolonbiak eta Holandak elkarlanean ekoitzitako “Tanja” dokumentalaren kasuari buruzko azterlana aurkeztuko da, Katja Draaijer haren ekoizlearen eskutik.
Proiektuen aurkezpenera publiko gisa bertaratu eta ikus-entzunezkoen eta zinematografiaren sektoreko profesionalak ezagutu nahi dituzten guztiek, baldintzak kontsulta ditzakezue HEMEN.
Informazio gehiago foroaren webgunean: www.lauhaizetara.eu
